Јапонската корпорација Nidec планира да потроши околу 1,6 милијарди евра за изградба на фабрика за производство на електрични мотори за возила во Србија, во обидот на кoмпанијата да го прошири своето присуство во Европа, објавува јапонскиот „Nikkei“.
Производителот на мотори очигледно е во завршна фаза на разговори со локалните власти во Србија за плановите за отварање на фабриката и придружниот истражувачки центар.
Nidec во изминатиот период ги концентрираше ресурсите за проширување на производството на мотори за електрични возила во Кина, која има брзо растечкаиндустрија за електрични возила. Сега, компанијата ги зголемува инвестициите во Европа како втор фронт.
Новата фабрика е планирано да достигне годишно производство од 200.000 до 300.000 единици до 2023 година.
Nidec ќе започне со производство на мотори за електрични возила и во Франција и Полска, почнувајќи од 2022 година, но фабриката во Србија се планира да стане еден од најголемите производствени центри на компанијата во Европа.
Целта на Nidec е да освои што поголем дел од пазарот на електрични возила кој се очекува да има голем раст во следниот период.
Европската продажба на електрични и хибридни возила во во првата половина на 2020 година скокна за 62% на годишно ниво, на 399.000 возила, соопшти Европската асоцијација на производители на автомобили.
Податоците, кои вклучуваат и земји кои не се членки на Европската унија, го ставаат континентот заедно со Кина како водечки глобален пазар за електрифицирани автомобили.
Германските „Фолксваген“ и „Дајмлер“ ја прошируваат својата линија на електрична енергија, додека Тесла планира да ја заврши својата прва европска фабрика за електрично возила во Германија до следната година.
Во септември годинава, делегација на јапонската компанија Nidec беше во посета на Србија и остварија средба со српскиот претседател Александар Вучиќ, најавувајќи дека планираат да инвестираат во изградба на фабрика во Нови Сад, која би требало да почне со работа во 2021 година.
