Бугарија е втор најголем извозен пазар за македонските компании, после Германија, каде минатата година е остварен извоз вреден 414 милиони евра. Иако поголемиот дел од извозот отпаѓа на суровини и полупроизводи, Бугарија е важен пазар за македонската прехранбена индустрија. Во 2022 година на бугарскиот пазар биле продадени прехранбени производи во вредност од близу 21 милиони евра, што ја прави осми најголем пазар за македонската прехранбена индустрија.
Mеѓу нив најголем дел се кондиторски производи, зеленчук, овошје, преработки од овошје и зеленчук, масло за јадење и друго. Извозот на пијалоци и тутун во Бугарија, пак, лани изнесувал 20 милиони евра.
За извозниците кои произведуваат и продаваат производи за широка потрошувачка корисна информација е да знаат кои се најголемите синџири на супермаркети во Бугарија, кои се еден од најзначните канали за дистрибуција.
Според податоците, меѓу синџирите кои прават најголем обрт во Бугарија спаѓа и македонскиот синџир на супермаркети КАМ. Македонсиот трговец КАМ го отвори својот прв супермаркет во Софија во 2017 година, а оттогаш продолжи да го шири своето присуство за да сега има 24 маркети во Бугарија.
Продажбата на мало во Бугарија се зголеми за 5,6 % во јануари годинаva, во споредба со истиот месец во 2022 година, соопшти Националниот институт за статистика на земјата. Овој раст во голема мера беше поттикнат од непрехранбените производи и горивата, при што продажбата на храна, пијалаци и тутун е рамна (+0,2%) во споредба со една година порано.
Во продолжение е преглед на првите десет трговски ланци на супермаркети во Бугарија, според нивниот најнов достапен промет за цела година.
Сите податоци се обезбедени од Retail-Index (www.retail-index.com), а рангирањето е преземено од ESM Magazine.
- Kaufland & Lidl
Промет: 1,77 милијарди евра (2021)
Kaufland и Lidl се водечки синџири за на супермаркети во Бугарија, со комбиниран обрт од 1,77 милијарди евра . Kaufland моментално има 69 продавници во земјата, додека Lidl има 109, со што двата субјекти управувани од германската Schwarz Group поседуваат вкупно 178 родажни објети.
- Metro C&C
Промет: 435 милиони евра (2021)
Трговецот на големо Metro C&C има десет продажни места во Бугарија. Во 2021 година, прометот на компанијата изнесуваше 435 милиони евра.
- BILLA
Промет: 429 милиони евра (2021)
BILLA е уште еден популарен трговски ланец на супермаркети во Бугарија, со промет од 429 милиони евра заклучно со 2021 година. Компанијата работи под два банери: BILLA и Penny, со тековно вкупно 141 продавница во земјата. BILLA е подружница на германската групација REWE.
- T Market
Промет: 198 милиони евра (2021)
T Market има присуство на бугарскиот пазар од 1995 година. Во 2021 година, компанијата објави промет од 198 милиони евра. Во моментов има 116 продавници низ целата земја. Тоа е подружница на Maxima Grupé UAB, со седиште во Литванија.
- Fantastico
Промет: 128 милиони евра (2021)
Fantastico, кој неодамна ја одбележа својата 30-годишнина, работи со 45 продавници во Бугарија. Таа објави промет од 128 милиони евра во 2021 година.
- Dar
Промет: 20 милиони евра (2021)
Dar работи со десет продавници низ Бугарија и објави обрт од 20 милиони евра во последната финансиска година (2021). - Hit
Промет: 20 милиони евра (2021)
Hit е бугарски синџир хипермаркети кој објави промет од 20 милиони евра во 2021 година. Групацијата работи со две продавници во Бугарија, во Младост и Љулин, двете области на Софија. - 345
Промет: 12 милиони евра (2020)
Со промет од 12 милиони евра (од 2020 година) и 16 продавници, 345 е осмиот најголем играч во бугарската малопродажба на супермаркети. - Кам Маркет
Промет: 10 милиони евра (2020)
Кам Маркет е уште еден релативно мал ланец на супермаркети во Бугарија, со 22 продажни места и обрт од 10 милиони евра заклучно со 2020 година.
- Leksi
Промет: 7 милиони евра (2020)
Leksi е мал ланец од само четири продавници, лоциран во градот Пловдив и околниот регион. Има промет од 7 милиони евра во 2020 година.
Други значајни трговци на мало во Бугарија се CBA, која може да се пофали со 126 продавници, според податоците, и Balev Biomarkt, која може да се пофали со пет продавници. Дополнително, земјата има голем број на трговци на мало со интернет кои исто така продаваат храна, вклучувајќи ги Ebag.bg, BGM.bg, Pingo.bg, Supermag.bg, Randi.bg и Superbagplovdiv.bg.
