Коронавирусот сè уште се шири и постојат знаци дека некои од најголемите светски економии кои се соочуваа со забавување во изминатиот период може да влезат во рецесија заради дополнителното влошување поврзано со ефектите од коронавирусот.
Избувнувањето на епидемијата со коронавирусот се очекува само да ги влоши слабостите што веќе постоеја во неколку светски економии.
Јапонија, третата најголема економија во светот ослабна за 1,6% во четвртиот квартал од 2019 година, додека земјата ги апсорбираше ефектите од зголемувањето на даноците на продажба и последиците од силниот тајфун. Ова е најголем намалување на јапонската економија од 2014 година.
Германија, најголемата економија во Европа се соочуваше со забавување и пред појава на коронавирус, како резултат на падот на производството во фабриките, посебно во автомобиолската индустрија.
Индикаторите за економското расположение во Германија паднаа во февруари, пред се заради стравувањата дека вирусот може да ја погоди светската трговија.
Италија е земјата со најголем број заболени случаи со вирусот во Европа, а дел од северот на Италија, кој е најразвиен индустриски регион, е веќе неколку денови во карантин, што според, аналитичарите може лесно да ја турне повторно италијанската економија во рецесија.
Голем број на помали економии се исто така во неволја. Хонг Конг е веќе во рецесија, а и Сингапур наскоро би можел да се соочи со слична судбина.
Податоците за БДП на Индонезија достигнаа тригодишно ниско ниво во четвртиот квартал, додека Малезија имаше најлоши перформанси за во период од една деценија.
Во меѓувреме, растот во големите растечки економии како Кина и Индија бележи забавување во 2019 година.
Економистите велат дека неодамнешното економско забавување најверојатно се должи на долготрајната штета од трговската војна Кина-САД и дека коронавирусот само ќе ги влоши работите.
