Кинескиот извоз во мај бележи намалување од 3,3% во споредба со истиот месец лани, додека увозот во истиот месец е намален дури за 16,7%.
Извозот на Кина бележи помал пад отколку што очекуваа економистите, благодарение на поголемиот извоз на маски и заштитна опрема со кои Кина доминира во светските ланци на снабдување. Извозот на текстилни производи, вклучувајќи ги и заштитните маски, е зголемен за 25,5% во првите пет месеци годинава и бил втор најизвезуван производ од Кина, после механичките производи.
Поголемиот пад на увозот, пак, отколку што се очекуваше укажува на големите проблеми со кои се соочуваат кинеските производни компании под притисок на намалените нарачки од најголемите трговски партнери, намалената побарувачка на домашниот пазар, но најмногу од се се чини дека е последица на намалувањето на цените на суровините кои Кина ги увезува, почнувајќи од цените на суровата нафта, гас, соја кои се намалија во изминатиот период.
Заради поголемиот пад на увозот, трговскиот суфицит во трговската размена (поголем извоз од увоз) на Кина во мај достигна 62,9 милијарди долари, што е рекордно најголем досега вишок во трговската размена на Кина со светот.
Кинеската економија забележа пад од 6,8% во првиот квартал годинава, но економсите аналитичари предвидуваат посетепено оправување на кинеската економија во третиот и четвртиот квартал годинава.
