Данскиот гигант за превоз A.P. Moller-Maersk (А.П. Молер-Маерск) ги зголеми проценките за профит за годинава, како резултат на силната побарувачка за контејнерски транспорт и ефикасното кратење на трошоците по падот на цените на превозот.
И покрај зголемените пазарни предизвици од глобалните трговски тензии и макроекономската неизвесност, главниот бизнис за превоз на „Маерск“ забележа зголемување од 7% на обемот на превоз на товар во третиот квартал, поттикнат од извозот од Источна Азија, при што Кина е главен двигател на растот на обемот поддржан од силната побарувачка за технолошки стоки.
Увозот останува робустен во Европа, Африка, Латинска Америка и западна централна Азија, иако обемот во Северна Америка се намали, особено од Кина до САД, соопшти компанијата.
Просечните цени на превозот паднаа за 31% на повеќето бродски рути, а трошоците се зголемија поради поголемиот обем, делумно компензирајќи со пониските цени на горивата.
Пониските цени на превозот би можеле да значат дека бродскиот бизнис на Maersk ќе трпи загуби веќе во четвртиот квартал.
Очекувањата на аналитичарите се цените на превозот да имаат уште еден пад кога ќе се продолжи со пловењето низ Црвеното Море, бидејќи ќе има премногу бродови во водата за нивото на побарувачка.
Maersk сега цели помеѓу 9 милијарди и 9,5 милијарди долари основна заработка пред камати, даноци, амортизација оваа година, од претходната прогноза помеѓу 8 милијарди и 9,5 милијарди долари. Основната заработка пред камати и даноци се очекува да изнесува од 3 до 3,5 милијарди долари, од 2 до 3,5 милијарди долари претходно.
Изгледите за глобалната побарувачка за контејнери оваа година сега се очекуваат нда пораснат за околу 4%, а претходно се очекуваше помеѓу 2% и 4%.
Maersk сè уште претпоставува дека нарушувањата во Црвеното Море ќе продолжат во текот на остатокот од годината.
