Германскиот производител на автомобили Volkswagenсоопшти дека се врати во профит во третиот квартал, благодарение на дисциплината на страната на трошоците и растот на глобалните пазари на продажба, предводени од Кина.
Профитот по оданочување во третиот квартал изнесува 2,75 милијарди евра, што е за 31% помалку од 3,99 милијарди евра за истиот квартал јули-септември пред една година и пред Ковид 19, но далеку подобар од загубата од 1,53 милијарди евра во вториот квартал.
Продажбата на автомобили во септември се зголеми во однос на истиот месец од претходната година, за прв пат оваа година, за 3,3%.
Клучен двигател беше Кина, единствениот најголем пазар на групацијата Volkswagen, каде продажбата се зголеми за 3% во текот на целиот квартал јули-септември.
Генерално, продажбата Volkswagen се намали за само 1,1% во третиот квартал во споредба со истиот период лани, на 2,61 милиони возила низ брендовите на групацијата, кои покрај Volkswagen, ги вклучуваат SEAT, Audi, Skoda и Porsche.
Главниот финансиски директор Френк Витер на конференциски повик со новинарите рече дека „дисциплината кај трошоците вродила со плод“ и го наведе силниот готовински тек на компанијата, што дава надеж за справување со предизвиците што ги носат промените во автомобилската индустрија, како што се електричните автомобили, дигитализацијата и потребата за намалување на штетните емисии на гасови.
Од компанијата информираат дека очекуваат оперативната заработка во текот на целата година да биде „сериозно помала“ отколку во 2019 година, но сепак да биде на позитивна територија.
Извор: AP news
