Нема да има промена на постоечкиот курс на левот кон еврото ниту при влегувањето на Бугарија во девизниот механизам ERM II (или т.н чекална на еврозоната), ниту при воведувањето на еворото, бидејќи државата ќе го задржи постојниот валутен борд со до воведување на еврото. Бугарија е во финална фаза на преговорите за присоединување кон банкарскиот сојуз и девизниот механизам ERMI II и има реални шанси тоа да се случи до крајот на април оваа година. Овие ставови ги потврди јавно и гувернерот на Бугарската народна банка Димитар Радев.
“Бугарија ќе влезе во ERM II и банкарскиот сојуз со овој курс на левот кон еврото и валутниот борд ќе биде отфрлен кога левот ќе биде заменет со еврото”, изјави и министерот за финансии Владислав Горанов.
Во јули 2018 година Бугарија формално ја започна процедурата за влезо во еврозоната
Курсот на левот кон еврото во Бугарија е фиксиран на 1.95583 и тој е ставен и во закон.
Некои проценки говорат дека Бугарија би можела да го воведе еврото до 2023 година. И додека политичките елити се едногласни дека Бугарија треба да влезе во еврозоната, граѓаните остануваат поделени. Последните истражувања покажуваат дека половина од бугарските граѓани не сакаат левот да биде заменет со еврото стравувајќи од покачувања на цените.
