Поскапувањето на струјата тешко го погодува одгледувањето домати во Европа.
Водечкиот шведски производител на домати Nordic Greens Trelleborg го прекинува одгледувањето во текот на претстојната зимска сезона поради високата цена на струјата. Оваа шведска компанија во летните месеци обезбедуваше околу 60% од понудата на домати на шведскиот пазат, но заради високите цени на енергија одгледувањето на домати оваа зима и пролет е целосно неисплатливо.
Компанијата располага со околу 160.000 квадратни метри оранжерии, од кои 20.000 се опремени со LED осветлување кое е вклучено 18 часа на ден. Обично во текот на зимата неделно се одгледуваат меѓу 30 и 40 тони домати.
“Никогаш досега не се случило. Цените на струјата никогаш не биле толку високи во Шведска“, вели Миндаугас Красаускас, менаџер на локација во Nordic Greens Trelleborg.
Одлуката била донесена на крајот на август кога станало јасно дека зимските цени на струјата се очекува да бидат значително повисоки од претходните прогнози.
“Не погодува тешко, навистина тешко. Едноставно, со осветлувањето чини премногу, но сè уште е рано да се каже точно колкава е финансиската пауза за нас“, вели Красаускас потенцирајќи дека цените на струјата зимската сезона ќе бидат 10 пати повисока од пред две години.
Поскапувањето на струјата би чинело дополнителни 560.000 до 750.000 евра. Тоа е еднакво на зголемена ставка на трошоци од околу 40%. Тоа би го направило производството на домати неисплатливо.
“Кога ја видовме најновата прогноза за цените на струјата во првите квартали од 2023 година, сфативме дека нема шанси да произведува,е. Сите дополнителни трошоци ќе бидат повисоки од очекуваното. Нема смисла да работиме ако сепак правиме загуба”.
Одгледувачите не можат да си го дозволат осветлувањето потребно за време на темната сезона.
Дури и во Холандија, најголемиот европски производител на домати, зголемената цена на гасот направи неопходно да се направи чекор назад.
“Се ќе чини повеќе. Од тие со кои сме биле во контакт, 50-60 % нема да одгледуваат ниту домати зимава. Ќе има забележителна празнина на пазарот, вели Красаускас .
Прехранбената индустрија во јужна Шведска алармира дека доколку не се намалат цените на струјата, за кратко време неколку фирми ќе банкротираат.
Во јули, Шведска беше најголемиот европски нето извозник на електрична енергија. Во исто време, шведската цена на струјата постојано достигнува нови рекордни
Извор: Greenhousegrower
