Џејми Дajмон, извршниот директор на JPMorgan Chase смета дека геополитиката по руската инвазија во Украина е најголемиот ризик, поголем од високата инфлација или рецесијата на САД.
Глобалните пазари претрпеа удар во текот на изминатата недела, бидејќи Федералните резерви на САД сигнализираа дека каматните стапки најверојатно ќе останат повисоки подолго време, со цел инфлацијата одржливо да се врати на целта од 2%.
Дајмон смета дека луѓето треба „да бидат подготвени за повисоки цени на нафтата и гасот, повисоки каматни стапки, но поголема загриженост за него предизвикува поларизацијата меѓу глобалните сили по војната во Украина која не покажува знаци на намалување.
„Мислам дека геополитичката ситуација е она што најмногу ме засега и не го знаеме ефектот од тоа во економијата“, додаде тој.
Според него, геополитиката е апсолутно ризик број 1 со кој се соочува светот денес.
„И претходно сме се справувале со инфлација, дефицити, рецесии, но навистина не сме виделе вакво нешто од Втората светска војна“, додаде тој.
„Хуманитарниот дел е многу поважен. Мислам дека тоа е исто така многу важно за иднината на слободниот демократски свет. Можеби сме на точка на свртување за слободниот демократски свет. Тоа е колку сериозно го сфаќам тоа“.
Понатамошниот негативен притисок врз пазарите во последниве месеци дојде од забавувањето на кинеската економија, предизвикано во голем дел од слабоста на нејзиниот масивен пазар за недвижнини.
Запрашан за потенцијалното влијание на овој пад врз долгорочните перспективи за Кина и глобалната економија, Дајмон повторно сугерираше дека Источна Европа е вистинскиот епицентар на ризик, при што војната во Украина ги заострува односите меѓу економските суперсили.
„Многу поважна ми е војната во Украина, нафтата, гасот, миграцијата на храна – тоа влијае на сите глобални односи – многу важно, на оној меѓу Америка и Кина“, рече Димон.
Извор: CNBC
