Германската економија годинава ќе порасне послабo од очекуваните 3,3% бидејќи тесните грла во снабдувањето го ограничуваат индустриското производство, прогнозира економскиот институт Ифо.
Пониската прогноза за растот на најголемата европска економија претставува намалување од 0,4 процентни поени во споредба со претходната проценка од март, велат од Ифо.
За 2022 година, Институтот ја зголеми прогнозата за растот на БДП на 4,3% од претходните 3,2%.
„На краток рок, тесните грла во испораката на примарните производи ја забавуваат економијата“, смета економистот на Ифо, Тимо Волмерхаузер.
„Опоравувањето, што е силно само по себе, поради повторното отворање на економијата, се одложува за малку подоцна отколку што очекувавме во пролетта“.
Германските Daimler и Volkswagen во вторникот соопштија дека го намалуваат работното време во некои од нивните погони бидејќи производителите на автомобили и понатаму страдаат од недостиг на полупроводници.
Закрепнувањето од пандемијата COVID-19 и тесните грла за снабдување за чипови, дрва и други материјали ги зголемуваат цените, што е причина за прогнозата на Ифо се скопк на инфлацијата на 2,6% оваа година од 0,6% во 2020 година пред да се намали на 1,9% во 2022 година.
Силниот скок веројатно ќе ја поттикне домашната побарувачка, а со тоа и увозот, за кој се предвидува да го надмине извозот во 2021 и 2022 година.
Прогнозата за раст на Ifo е помалку оптимистичка од проценките на Бундесбанк, која предвидува 3,7% за оваа година и 5,2% следната година.
