Денеска почнува најголемиот саем за храна и пијалоци Anuga 2021 кој традиционално се одржува во германскиот град Келн, но годинава поставува и нови одредници за саемско претставување во хрибриден формат. Во следните пет дена над 4.600 изложувачи од 97 земји ќе ги изложувуваат своите производи во физички и онлајн формат. Под мотото “Вкуси ја иднината” (Tase the future), учесниците ќе имаат можност да дознаат и за најновите трендови и иновации во прехранбената индустрија кои вообичаено се презентираат на овој саем.
Според информациите од организаторот, на Саемот ќе учествуваат и неколку македонски компании од прехранбената и кондиторската индустрија. Со физичко присуство и со сопствен штанд на Anuga годинава се присутни прехранбените компании Мама’с фуд, Витаминка, Макс од Струмица, Вори Гевгелија, Жито Промет Гевгелија. Со заеднички штанд ќе биде присутно и Министерството за земјоделство, а дигитално учество и изложување на производите ќе имаат Фруктана, Ларс, Хортена, Бимфоод, Конимекс, Бест Фуд, Техноалат Комерц и Аграг Ко.
Водечкиот глобален саем ги комбинира големите предности на физичкиот настан со новите дигитални карактеристики во форма на Anuga@home. Хибридниот пристап им овозможува на професионалците од прехранбената индустрија да откријат атрактивни присуства и производи на саемот и да се поврзат со релевантни партнери за контакт преку иновативни канали.
Земјите со најголем број изложувачи се Белгија, Германија, Франција, Грција, Италија, Холандија, Полска, Шпанија, Турција и САД.
Главна тема: Трансформирај
Под клучната тема „Трансформирај“, водечкиот глобален саем за храна и пијалоци оваа година ги разгледува идните теми и, меѓу другото, претставува иновации од растителни протеини базирани на клетки, производи за замена на месо, здрава и функционална храна.
Конгресите кои се одржуваат паралелно со саемот ќе покриваат теми кои ги покриваат одржлива трансформација на индустријата за храна и пијалоци, сложеноста и предизвици низ синџирот на снабдување, како што се климата, пакувањето, загубите на храна и човековите права.
Повеќе информации за годинешниот саем Anuga 2021 може да прочитате на следниот линк.
Извор: Anuga
