Стапката на пораст на инфлацијата дополнително забави на 4,6% во март оваа година, од 6,1% во февруари, како резултат на пониските цени на енергијата, и во споредба со растот од 8,9% во март 2022 година, покажуваат податоците на Грчкиот завод за статистика (ЕЛСТАТ).
Додека цените на облеката се зголемија за 14,4%, а храната и безалкохолните пијалоци поскапеа за 14,3%, националниот индекс на потрошувачки цени беше задржан благодарение на умерениот пораст во категоријата транспорт (1,9%) и во образованието (2,2%). Цените на алкохолните пијалоци и тутунот пораснаа само за 3,7%.
Според државниот завод за статистика на Албанија, ИНСТАТ, во март инфлацијата паднала на 5,3 проценти од 7,1 проценти колку што била во февруари.
Најголеми влијание на намалувањето на инфлацијата имале цените на горивата, кои во март се продавале по пониски цени во однос на периодот пред почетокот на руско-украинскиот конфликт.
Незначителен раст на цените во месец март главно има во групата „храна и безалкохолни пијалаци“ за 3,94 проценти, а потоа следат групата „кирија, вода, гориво и енергија“ и „мебел и апарати за домаќинство“.
„Намалувањето на инфлацијата е позитивен фактор за албанската економија, но и можност за намалување на основните каматни стапки. Во текот на минатиот месец основната каматна стапка достигна 3 проценти што има директно влијание врз цената на кредитите. Централна банка на Албанија предвидува дека инфлацијата ќе продолжи да се намалува со брзо темпо во останатите месеци и се очекува за да се врати на целта поставена од банка кон средината на следната година”, наведува ИНСТАТ.
Највисоко ниво на инфлација во Албанија беше забележано во октомври минатата година, кога достигна 8,3 отсто, по што почна благо да се намалува.
За разлика од Грција и Албанија, инфлацијата во Македонија во март изнесуваше високи 14,7%.
