Кина денеска ги намалува царините на 696 видови американски производи, на кои претходно стави високи царини како соодветен одговор на акциите преземени од САД, пишува Ројтерс.

Тоа ќе биде најголеми и најзначајно намалување на царини што најголемата азиска економија го прави кон Вашингтон, во согласност со преземените обврски од потпишаната прва фаза од трговскиот договор помеѓу САД и Кина.

Како дел од првата фаза од договорот Кина исто така презема обврска во период од две години да го зголеми за 200 милијарди долари увозот на стоки и услуги од САД.

Производите од САД за кои ќебидат намалени царините вклучуваат некои земјоделски и енергетски производи, како свинско и говедско месо, соја, течен природен газ, сурова нафта…
Сите тие производи беа објект на дополнителна царина во екот на трговската војна меѓу двете најголеми економии во светот.

Коронавирусот кој неодамна се појави во Кина и до денес однесе над илјада жртви, исто така претставува опасност за кинеската економија, но и за преземените обврски од договорот со САД.