Кина ги надмина САД и за прв пат стана најголем германски извозен пазар во вториот квартал на 2020 година. Причината за тоа е што Кина побрзо закрепнува од пандемијата на КОВИД-19.
Од април до јуни, вкупната вредност на германскиот извоз во Кина изнесувал близу 23 милијарди евра (околу 27,25 милијарди американски долари), соопшти германскиот Федерален завод за статистика.
Извозот, пак, на Германија во САД во истиот период изнесувал 20 милијарди евра.
САД се најголеми купувачи на германските производи многу години наназад.
Германскиот медиум „Франкфурт Репорт“ наведува дека германските извозници се повеќе зависни од кинескиот бизнис од кога било досега.
Посебно заради тоа што САД воопшто не се претпазливи со „одбраната“ на сопствените интереси.
Заканата од санкции од страна на САД за гасоводот за природен гас Северен поток или на компаниите што прават деловни активности со Иран, ја натера Германија да го почувствува ова.
Политизацијата на глобалните синџири на снабдување ќе ја принуди Кина да го врати синџирот на вредности дома и да ја намали зависноста од странски земји, што може да има влијание врз германскиот извоз, смета Макс J.енглејн, главен економист на германскиот институт Меркатор.
Проценките се дека економијата на Кина може да стане посилна на долг рок, па затоа ќе биде се поважна како извозен пазар.
