Министрите за транспорт на Европската унија (ЕУ) се согласија за нови правила за камиони со максимална дозволена тежина поголема од 3,5 тони, кои ќе зависат од емисиите на штетни гасови за животната средина.
Според новиот предлог, најеколошките камиони ќе бидат целосно ослободени од патарините до крајот на 2025 година.
Висината на патарината ќе зависи од тоа колку возилата произведуваат штетни гасови за животната средина.
До крајот на 2025 година, некои земји исто така ќе можат да понудат поголеми, до 100%, намалувања на патарините, а по 2025 година патарините ќе бидат помали од 50 до 75%.
Новите закони се очекува да ја забрзаат транзицијата кон патен транспорт без штетни емисии и да помогнат во намалувањето на урбаното загадување на воздухот, бидејќи камионите се одговорни за 23% од сите емисии од транспортот во ЕУ, според Европската комисија.
Новиот предлог на германското претседателство со Советот на ЕУ беше поддржан од сите земји, освен од Австрија. Според германскиот министер за транспорт Андреас Шеуер, постигнат е компромис по повеќегодишни тешки преговори, бидејќи правилата ќе им овозможат на земјите флексибилност, истовремено охрабрувајќи употреба на повеќе еколошки камиони, нагласи тој.
