Бројот на регистрирани нови автомобили во Германија минатата година падна за 19%, што е одраз на тешките последици од пандемијата.
Од друга страна податоците покажуваат дека најмал пад на продажбите на нови автомобили имало во Кина, каде продажбите лани се намалиле за само 6,8%.
Во Германија се регистрирани околу 2,92 милиони нови автомобили во 2020 година, што е за 19 % помалку отколку во 2019 година, според извештајот на Здружението за автомобилска индустрија (VDA).
Теренските возила сочинуваат петтина од новите автомобили, а камперите исто така се здобија со популарност бидејќи епидемиолошките мерки го намалија изборот на места за одмор.
„Очекуваме германскиот пазар на патнички автомобили да се опорави во 2021 година. Сепак, тешко дека тоа ќе може да се постигне ако продолжат високите нивоа на инфекција со коронавирус“, вели претседателот на ВДА, Хилдегард Милер.
Ваквиот пад на продажбата на авѕомобили не се памети десет години.
Светла точка е растечката популарност на електричните автомобили. Податоците покажуваат дека Германците се повеќе купуваат автомобили на батерии.
Автомобилските компании во последно време инвестираат многу во електрични модели со помош на владата која нуди дарежливи стимулации за клиентите. Резултатот е тројно зголемување на продажбата на електрични возила на батерии во 2020 година, на повеќе од 194.000 единици, со што достигнаа пазарен удел од 22 % во четвртиот квартал од минатата година.
Кинескиот пазар спас за светските автомобилски компании
Продажбата на автомобили во Кина се намали за 6,8% во 2020 година, што треба да се смета да успех со оглед дека сите дтуги пазари имаа многу поголеми падови.
Глобалната продажба на автомобили се проценува дека паднала за 15% минатата година, според истражувачката фирма IHS Markit, додека продажбата во САД исто така се очекува да се намали за 15%.
Продажбата на автомобили во Кина се очекува да има посилен раст во 2021 година за кога се очекува раст од 7% во споредба со минатата година.
Премиум производителите на автомобили се појавија како големи победници. Во 2017 година, премиум возилата учествувале со еден во 10 од продадените автомобили во Кина; сега еден од шест нови автомобили се премиум, според IHS Markit.
Тоа им овозможи на производителите на врвни возила да работат во 2020 година во Кина навидум непогодени од пандемијата. Производителот на Мерцедес-Бенц, Даимлер АГ, соопшти дека нејзината продажба во Кина се зголемила за 11,7% минатата година, дури и кога нејзината глобална продажба опаднала за 7,5%.
Премиум производителите на автомобили, вклучително и германската голема тројка, сега произведуваат повеќе модели во Кина отколку порано, намалувајќи ја цената на налепниците за локалните потрошувачи во однос на скапиот увоз, додека намалувањето на даноците дополнително ги намали цените. Тоа ги стави луксузните автомобили на дофат на милиони кинески купувачи, особено оние во побогатите градови каде приходите продолжија да растат.
