Словенечкaта компанија Хидриа соопшти дека потпишала договор за снабдување со алуминиумски куќишта за управувачки системи на германскиот производител на автомобили BMW за неговите нови хибридни и електрични возила.
Куќиштата ќе се користат во производството на возила BMW од 2023 година, во рамки на догворот кој ќе трае до 2030 година.
Вредноста на договорот се проценува на околу 33 милиони долари.
Словенечката Хидриа, која е во доминантен домашен капитал, брои повеќе од 1.800 вработени, а со свои фабрики е присутна во Словенија, Германија, Унгарија и Кина.
