Министерството за трговија на Турција работи на диверзификација на извозните пазари
Министерството за трговија на Турција работи на диверзификација на извозните пазари на Турција бидејќи се очекува слабеење на побарувачката од Европската унија, изјави турскиот министер за трговија Мехмет Муш.
Глобалните ризици и несигурности веројатно ќе се зголемат и за Турција во претстојниот период, а побарувачката од Европската унија, која се предвидува да го изгуби моментумот, дополнително создава ризици за извозот на земјата, рече Муш.
„Затоа работиме на планови, кои се дизајнирани да ги диверзифицираат пазарите преку канализирање на нашите извозници на алтернативни пазари“, додаде министерот.
Муш истакна дека веќе се преземени 328 активности кои се насочени кон 18 нации, во рамките на стратегијата „далечни земји“, која има за цел четирикратно да го зголеми извозот на Турција во тие земји.
Извозот на Турција се зголеми за 15,4% во првите десет месеци од 2022 година во споредба со истиот период од минатата година на 209,5 милијарди долари, при што продажбите во Америка забележаа најголем пораст.
„Извозот во Европската унија, нашиот најголем трговски партнер порасна за 13,5%“, рече Муш, истакнувајќи дека трговскиот суфицит на Турција со Унијата достигна 9,7 милијарди долари. Трговскиот суфицит со Велика Британија изнесуваше 6 милијарди долари, додаде тој.
Извор: Huriet Daily
