Во првите седум месеци годинава, Украина била најголем извозен пазар за македонската зелка и втор најголем пазар за зеленчук
Според податоците од Државниот завод за статистика во периодот од јануари до јули годинава во Украина била извезена храна во вредност од 9,5 милиони евра. Тоа е речиси 3,5 пати повеќе во споредба со извозот на храна на овој пазар во текот на целата изминатата 2021 година, во вредност од 2,7 милиони евра.
Според вредноста на извозот, Украина била 10-ти најголем пазар за македонската храна. Но, во првите седум месеци годинава Украина била најголем пазар за извоз на македонската зелка и втор најголем пазар за извоз на зеленчук од земјава.
Податоците покажуваат дека од вкупниот извоз на зелка од Македонија во странство, чија вредност во првите седум месеци годинава изнесува 23,8 милиони евра, најголем дел или 6,63 милиони евра биле извоз во Украина.
Истовремено, Украина годинава била втор најголем пазар за македонскиот зеленчук. Од вкупниот извоз на зеленчук од земјава чија вредност во првите седум месеци годинава изнесдувала 51 милион евра, во Украина бил извезен зеленчук во вредност од 8,3 милиони евра. Со тоа, Украина била втор најголем пазар, после Србија, каде најмногу се извезувал македонскиот зеленчук.
Зелката е најизвезуван зеленчук од земјава и од вкупниот извоз на зеленчук во првите седум месеци годинава во вредност од 51 милиони евра, речиси половина или 47% од приходите се орави со извоз од зелка.
Доматите биле втор најизвезуван зеленчук со извоз вреден 9,4 милиони евра во првите седум месеци.
