Доналд Трамп размислува за одложување на воведувањето царини за увезени автомобили и делови за да им даде на производителите на автомобили повеќе време да го изградат производството во САД, објави Блумберг.
“Царините би ги направиле автомобилите поскапи за Американците и би можеле да ги нарушат синџирите на снабдување. Разгледувам нешто што можам да направам за да им помогнам на производителите на автомобили. Тие се префрлаат на делови што се произведени во Канада, Мексико и на други места, и им треба малку време бидејќи ќе се произведуваат тука“, изјави Трамп на средбата со новинарите во понеделникот.
Коментарите на претседателот потенцијално би можеле да им донесат олеснување на производителите на автомобили кои се борат со царините, но тие исто така ја зголемуваат неизвесноста околу царинските планови.
Акциите на „Џенерал моторс“, „Форд мотор“ и „Стелантис”, скокнаа на дневен максимум по изјавата на Трамп, со што ги поништија претходните падови.
Зголемувањето на цените е заканувачки
Царините за увоз на автомобили се закануваат да ги зголемат цените за американските потрошувачи и да ги нарушат синџирите на снабдување со автомобили кои се длабоко интегрирани меѓу САД, Канада и Мексико.
Трамп воведе царина од 25% за целосно склопени возила, а царините за делови треба да стапат на сила најдоцна до 3 мај.
Царините за Канада и Мексико веќе вклучуваат исклучок за возила што имаат доволно домашна содржина за да ги исполнат барањата на постојниот Северноамерикански трговски договор.
Лобисти
Трите големи производители на автомобили од Детроит со недели лобираат кај администрацијата на Трамп за ослободување на одредени евтини автоделови од планираните царини. „Форд“, „Џенерал моторс“ и „Стелантис“ признаа дека се подготвени да платат царини за готови автомобили и големи компоненти како што се мотори и менувачи, но претставници на компаниите рекоа дека широките царини за делови би додале милијарди долари на трошоците и би резултирале намалување на профитите и отпуштања, што е спротивно на целта на Трамп за обнова на американското автомобилско производство.
