Продажните цени на производителите на индустриски производи на странските пазари во јуни 2026 година се зголемиле за 0,9% во споредба со мај и 7,1% во споредба со јуни минатата година, покажуваат најновите податоци на Државниот завод за статистика.
На месечно ниво, најголем раст е забележан во секторот Рударство и вадење камен, каде што продажните цени се повисоки за 3,9%, додека во Преработувачката индустрија е регистрирано зголемување од 0,7%.
Во споредба со јуни минатата година, продажните цени на производителите на индустриски производи на странските пазари бележат уште поизразен раст. Во секторот Рударство и вадење камен тие се повисоки за 25,9%, а во Преработувачката индустрија за 6,2%.
Според табелата на Државниот завод за статистика, најголемиот годишен раст (јуни 2026 во однос на јуни 2025) е забележан во следните индустриски гранки:
- Производство на кожа и слични производи – +46,3%
- Производство на тутунски производи – +43,6%
- Производство на метали – +26,0%
- Рударство и вадење камен – +25,9%
- Производство на останата транспортна опрема – +26,6%
- Производство на машини и уреди – +16,7%
- Производство на мебел – +16,9%
- Производство на прехранбени производи – +16,0%
Податоците укажуваат дека македонските индустриски компании продолжуваат да остваруваат повисоки продажни цени на странските пазари, што е значаен показател за движењата во извозниот сектор .
Според Државниот завод за статистика, индексите ги следат промените на продажните цени што домашните производители ги постигнуваат при извозот на индустриски производи и претставуваат важен индикатор за состојбите во надворешната трговија и индустриското производство.
