Високите увозни царини кој во средата ги објави американскиот претседател Доналд Трамп претставуваат значителен ризик за глобалната економија во време кога растот е бавен, изјави директорката на Меѓународниот монетарен фонд, Кристалина Георгиева.
Според Георгиева, важно да се избегнат чекори кои можат дополнително да и наштетат на глобалната економија и апелираше до САД и нивните трговски партнери да работат конструктивно за намалување на тензиите.
„Сè уште ги проценуваме макроекономските импликации на најавените царински мерки, но тие јасно претставуваат значителен ризик за глобалната перспектива во време на забавен раст“, рече Георгиева.
Георгиева рече дека ММФ ќе ја даде својата проценка за најавените тарифи кога ќе објави ажурирање на својата светска економска перспектива за време на состаноците од 21 до 26 април во Вашингтон, на кои ќе се соберат членовите и акционерите на ММФ и Светската банка.
Високите увозни царини кој во средата ги објави американскиот претседател Доналд Трамп претставуваат значителен ризик за глобалната економија во време кога растот е бавен, изјави директорката на Меѓународниот монетарен фонд, Кристалина Георгиева.
Според Георгиева, важно да се избегнат чекори кои можат дополнително да и наштетат на глобалната економија и апелираше до САД и нивните трговски партнери да работат конструктивно за намалување на тензиите.
„Сè уште ги проценуваме макроекономските импликации на најавените царински мерки, но тие јасно претставуваат значителен ризик за глобалната перспектива во време на забавен раст“, рече Георгиева.
Георгиева рече дека ММФ ќе ја даде својата проценка за најавените тарифи кога ќе објави ажурирање на својата светска економска перспектива за време на состаноците од 21 до 26 април во Вашингтон, на кои ќе се соберат членовите и акционерите на ММФ и Светската банка.
Како резултат на огромните реципрочни царини, пак, аналитичарите на J.P. Morgan го зголемија ризикот од американска и глобална рецесија оваа година на 60 % од 40% претходно.
„Ефектот од ова зголемување на царините веројатно ќе се зголеми преку одмаздничките мерки, пад на американското деловно расположение и прекини во синџирот на снабдување“, велат од J.P. Morgan.
Другите големи инвестициски куќи на Волстрит, вклучително и Barclays и Deutsche Bank, исто така предупредија дека американската економија се соочува со поголем ризик да западне во рецесија оваа година, доколку новите давачки на Трамп останат на сила.
Сепак, J.P. Morgan очекува шокот од царините да биде „скромно пригушен“ од изгледите за натамошно намалување на стапките во САД од страна на Федералните резерви.
