Daimler и Volvo Trucks денеска објавија дека планираат да соработуваат во развој и продажба на батерии на хидроген за тешки товарни возила, бидејќи големите трошоци за новата технологија и неизвесноста поврзана со пандемијата на коронавирус ги принудуваат големите производители да ги здружуваат ресурсите.
Daimler планира да ги консолидира сите активности за развој на хидроген батерии во новата заедничка компанија, во која групацијата „Волво“ ќе има 50% удел.
Директори на двете компании велат дека заедничката иницијатива ќе биде отворена за вклучување и на други компании.
„Вистински јаглеродно неутрален транспорт може да се оствари преку возила на електричен погон со енергија што се добива преку електрични батерии или преку претворање на водородот во електрична енергија“, вели Мартин Даум, претседател на управниот одбор на Daimler Truck. „Оваа заедничка иницијатива со Volvo е важна пресвртница за донесувањето на камиони и автобуси кои ќе работат на хидроген батерии на нашите патишта”.
Мартин Лундстес, извршен директор на Volvo Trucks смета дека кризата со коронавирусот ги убедила повеќе од било кога дека ова е област на која мора да се вложуваат постојани напори.
И други автомобилски компании веќе работат на развој на хидроген батерии за тешки товарни возила.
На почетокот на годината германскиот производител на авто делови Robert Bosch најави дека ќе почне да произведува хидроген батерии во 2021 година. Hyundai најави дека кон крајот на годината ќе ги лансира во Европа тешките товарни возила кои ќе работат на хидроген.
На почетокот на месецот, Toyota и нејзината подружница за производство на тешки товарни возила Hino ги објавија плановите за развој на тешки товарни возила кои ќе работат на хидроген.
