Раст на вредноста на извозот на храна од 7,1%, пад на количините од 12,5% – повисоките цени го зголемуваат извозот нагоре.
Во периодот јануари–август 2025 година, од Македонија се извезени прехранбени производи во вредност од 367 милиони евра – раст од 7,1% споредено со истиот период лани. Но, количините на извезена храна се намалени за 12,5%, што укажува дека растот се должи на повисоките цени, покажуваат податоците од Државниот завод за статистика.
Зеленчук и овошје – водечка категорија
- Вредност на извоз: 159 милиони евра
- Учество во вкупниот извоз на храна: 44%
- Раст на вредноста: +8,8%
- Пад на количините: −11%
Жита и кондиторски производи
- Вредност на извоз: 81,5 милиони евра
- Раст на вредноста: +2,9%
- Пад на количините: −23%
Млечни производи – најголем раст
- Вредност на извоз: 34,7 милиони евра
- Раст на вредноста: +31,5%
- Раст на количините: +50%
Месо и месни преработки
- Вредност на извоз: 31,1 милион евра
- Раст на вредноста: +1,3%
- Пад на количините: −0,3%
Увозот на храна во периодот од јануари до август годинава бил двојно поголем од извозот на храна. Увезена била храна во вредност од близу 740 милиони евра, раст од 6,2% во споредба со истиот период од минатата 2024 година.
Покриеноста на увозот на храна со извозот во првите осум месеци годинава изнесува ниски 49,6%.
