Групацијата Kuehne+Nagel за прв пат е вклучена во листата на Fortune Global 500, која секоја година ја составува магазинот Fortune. Со обрт од 36,699 милијарди швајцарски франци CHF (37,5 милијарди евра) во фискалната 2021 година, Kuehne+Nagel се рангираше на 396-то место на листата на глобално ниво и 9-то место во Швајцарија.
Kuehne+Nagel е најголемиот светски шпедитер на поморски и воздушни товари и има значајни позиции во патната и договорната логистика. Групацијата го изгради својот успех на имплементирање на својот стратешки фокус на клиентите, технологијата и луѓето, и преку надминување на своите амбициозни финансиски цели.
Како резултат на тоа, Kuehne+Nagel забележа извонредно силни перформанси во финансиската 2021 година и го продолжи својот успешен курс во првата половина од 2022 година.
„Kuehne+Nagel покажа импресивна стратешка способност да се прилагоди и проактивно да одговори на честите промени околу нас. Групацијата ја докажа својата вредност под овие конкретни околности и исто така успеа да ја покаже суштинската улога што ја игра за општеството во целина. Дебито на листата на Fortune Global 500 го одразува неодамнешниот возбудлив развој на Kuehne+Nagel како водечка логистичка групација во светот“, вели Јоерг Воле, претседател на Kuehne+Nagel International AG.
Логистичката компанија Kuehne+Nagel е присутна повеќе од 25 години и во Македонија и е еден од најдоверливите и најефикасни партнери на многу домашни и странски компании во трговијата со светот, нудејќи им ги најиновативните логистички и транспортни решенија.
Kuehne+Nagel, исто така, неодамна беше препознаен од страна на советодавната фирма Gartner за нејзината насоченост кон клиентите, пионерските решенија за одржливост и како највизионерскиот лидер на пазарот за логистика .
Со над 79.000 вработени на повеќе од 1.300 локации во над 100 земји, Kuehne+Nagel групацијата е еден од водечките светски даватели на логистички услуги во светот. Работи во морска логистика, воздушна логистика, патна логистика и договорна логистика, со јасен фокус на интегрирани логистички решенија.
Листата на Fortune Global 500 е најпрепознатливото рангирање за најголемите светски котирани компании, според годишниот обрт и профитот.
Компаниите на Fortune Global 500 оствариле промет од вкупно 37,8 трилиони американски долари во 2021 година, што е повеќе од една третина од светскиот БДП.
Извор: Kuehne+Nagel
