Германскиот производител на автомобили Фолксваген очекува континуиран удар од недостигот на полупроводници оваа година, иако би требало да може да го зголеми производството во втората половина од годината, изјави во средата главниот извршен директор Херберт Дис.
„Ситуацијата со снабдувањето се подобрува, но дури и во 2022 година нема да можеме да ги изградиме сите автомобили што би можеле да ги продадеме. Но, гледаме можности за натамошно зголемување на производството, особено во втората половина од годината“, рече Дис во говорот.
Производителите на автомобили ширум светот се погодени од недостиг на полупроводници предизвикан од прекини во синџирот на снабдување заради Ковид 19, како и од зголемената побарувачка на полупроводници кај електронските компании за широка потрошувачка.
Volkswagen на почетокот на февруари соопшти дека ноќните смени во Волфсбург ќе бидат прекинати на некои производни линии поради недостаток на чипови. Дис рече дека ќе бидат потребни и прилагодувања на капацитетот на среден рок.
Според Дис, снабдувањето со чипови е единствениот голем предизвик во моментот, при што врвните модели на премиум брендовите веќе се распродадени за цела 2022 година, додека нејзините бизниси со камиони исто така имаат добро пополнети книги за нарачки.
Извор: Reuters
