Групацијата „Фолксваген“ планира значително да го намали својот производствен капацитет во светлината на предизвикувачката пазарна средина.
Извршниот директор на „Фолксваген“, Оливер Блум, посочи дека се можни понатамошни намалувања на капацитетот. „Моментално разгледуваме намалување на капацитетот за уште еден милион возила за да ја одразиме состојбата на глобалниот пазар“, изјави Блум за „Менаџер магазин“.
Производните обеми од минатото се неодржливи
Според него, старото планирање на обемот е нереално во тековната пазарна и конкурентска ситуација.
Ова влијае на локациите на компанијата низ целиот свет. Блум објави дека „Фолксваген“ веќе го намалил својот производствен капацитет во Кина за еден милион автомобили годишно. Во Европа, се очекува капацитетот, особено кај „Фолксваген“ и „Ауди“, да се намали за еден милион возила годишно до 2028 година. „Ова ќе го намали нашиот вкупен инсталиран капацитет од над дванаесет милиони возила на одржливи девет милиони возила годишно“, рече тој.
„Прекумерниот капацитет не е одржлив за нашата компанија на долг рок“, рече Блум. Според него, одлуката за тоа дали фабриките ќе мора да се затворат сè уште не е донесена.
„Постојат поинтелигентни методи од едноставно затворање на фабрика. Во Оснабрик, на пример, ќе го прекинебе производството на возила на VW следната година – тоа го одлучивме во 2024 година. Во тој случај, VW е во преговори со компаниите за одбрана за потенцијално воспоставување производство таму и преземање на вработени. Сепак, сè уште ништо не е финализирано”.
Намалување на 50 илјади работни места до 2030 година
Според Блуме, сегашното ниво на профит е недоволно за да се одржат инвестициите во модели и технологија. Сепак, менаџерот не исклучува понатамошни намалувања на работни места. „Наша должност е внимателно да испитаме сè“, рече тој. „Ги разгледуваме сите ставки на трошоци. Тоа е фундаментален дел од нашата одговорност кон оваа компанија.“
На крајот на 2024 година, „Фолксваген“ постигна договор со својот работен совет за намалување на 35.000 работни места во Германија. Групацијата, која го вклучува брендот „Фолксваген“, како и „Ауди“ и „Порше“, ќе има загуба на 50.000 работни места до 2030 година.
Блум рече дека „Фолксваген“ во моментов остварува невиден напредок во намалувањето на трошоците на фабриката.
„Сепак, продолжуваме да бидеме оптоварени со прекумерен капацитет, што на крајот чини многу пари. Треба да развиеме соодветен начин да се справиме со ова.“
Автомобилскиот производител со седиште во Волфсбург реагира на падот на продажбата во последните години. Од кризата со коронавирусот, околу девет милиони автомобили се продаваат годишно низ целиот свет годишно, во споредба со единаесет милиони во 2019 година, годината пред кризата, рече Блум.
ПОВРЗАНИ ВЕСТИ:
Германците треба „повторно да работат повеќе“, смета шефот на Мерцедес
Извозот на германски автомобили најсилно погоден од царините на Трамп
Иднината на германските производители на автомобили ќе се одлучува во Кина
