Германскиот бруто домашен производ во третиот квартал од годинава нарасна за рекордни 8,5%, закрепнувајќи од невидениот пад што пролетва го предизвика првиот бран на пандемијата од Ковид-19, соопшти денеска Централното биро за статистика – Дестатис.
Посилниот од очекуваниот скок главно беше предизвикан од поголемите трошоци на домаќинствата и зголемениот извоз, соопшти канцеларијата.
Ова и овозможи на германската економија да надомести голем дел од масовниот пад на бруто домашниот производ предизвикан од пандемијата на коронавирус во вториот квартал на 2020 година.
Изгледите се заматени од вториот бран инфекции со коронавирус и делумното заклучување за да се забави ширењето на болеста.
Канцеларката Ангела Меркел и регионалните државни премиери планираат да го продолжат заклучувањето во среда до 20 декември, според нацртот подготвен за нивниот состанок.
Контракциите во услужниот сектор се очекува сериозно да влијаат на бруто домашниот производ во четвртиот квартал, додека мерките за блокирање во другите земји веројатно ќе ги погодат и извозно ориентираните производители.
Германскиот институт Ifо објави дека германскиот деловен морал падна втор месец по ред во ноември, што укажува на тоа дека најголемата економија во Европа ќе се намали во четвртиот квартал, поради мерките за забавување на ширењето на коронавирусот.
Индексот на деловната клима на Ifo падна на 90,7 од надолу ревидираниот 92,5 во октомври. Двете месечни падови по ред следеа по пет месеци покачувања.
„Бизнис неизвесноста се зголеми. Вториот бран на коронавирусот го прекина економското закрепнување на Германија “, рече претседателот на Ифо, Клеменс Фуест.
