Maersk објави дека ги проширува опциите за ладни ланци за транспорт на свежо овошје од Црното Море и Средоземното море до Централна Русија. Услугата ги комбинира постојните кратки морски врски, како и длабоките морски врски од Турција, Египет и Израел до пристаништето Новоросијск со редовната интермодална услуга помеѓу Новоросијск и Москва.
На 21 декември 2020 година, првите контејнери со ладилник од Мерсин, Турција, беа испратени од пристаништето Новоросијск на пат кон терминалот Селиатино во Москва со воз управуван од Рускон, (дел од групацијата Delo), еднa од водечките комапнии во Русија за контајнерски транспорт. Два дена подоцна, контејнерите пристигнаа на терминалот Селиатино во Москва и беа безбедно доставувани до крајните приматели.
Новото решение за интермодален ладен ланец е овозможено од „Руски железници“ АД, кое обезбедува железничка инфраструктура и комерцијална поддршка за овој нов коридор со ладен ланец.
Новото логистичко решение на Maersk е дизајнирано да го развие рускиот пазар на храна преку подобрени перформанси на синџирот на снабдување и полесно ракување со расипливото овошје.
„Гледаме стабилно растечка побарувачка од нашите клиенти за овошје и зеленчук во текот на целата година. Значи, ние се трудиме да обезбедиме најдобар можен квалитет на свежи производи во нашите продавници низ Русија. Лансирање директен железнички производ за испорака од пристаништето Новоросијск до Москва значително ќе ја подобри достапноста и свежината на увезеното овошје на нашите полици, особено кога понудата од локалните добавувачи е ограничена од сезонски фактори “, вели Јулија Кримова, директор на одделот за овошје и зеленчук во Магнет, еден од најголемите синџири за трговија на мало во Русија.
Извор:Transport Intelligence
