Најголемиот светски контејнерски превозник MSC сака да купи речиси половина од акциите во компанијата HHLA која управува со пристаништето во Хамбург.
Според договорот со градот Хамбург, MSC ќе понуди 16,75 евра по акција во готово за сите акции од класа А на операторот HHLA кои котираат на берзата. Тоа значи дека вредноста на трансакцијата би можела да биде околу 1,3 милијарди евра.
Како дел од договорот, MSC ќе го зголеми обемот на транспорт преку пристаништето Хамбург за еден милион стандардни контејнери (TEU) годишно. Тоа би значело зголемување од 12% во однос на 2022 година кога низ пристаништето поминале 8,3 милиони TEU.
MSC рече дека партнерството е наменето на неопределен временски период, иако раскинувањето е можно само по 40 години. Сепак, за комплетно завршување трансакцијата е предмет на официјални одобренија и согласност на граѓаните на градот Хамбург.
Претходно оваа година кинеската COSCO купи 24,9% од акциите на HHLA за контејнерскиот терминал Tollerort (CTT), зделка што беше внимателно следена бидејќи беше означен прв пат прекуокеанска компанија да купи удел во германската пристанишна инфраструктура.
