Германското министерство за економија предложи програма за стимулации од 5 милијарди евра како дел од поширок стимулативен пакет за зајакнување на продажбата на автомобили, соопштија во неделата две лица блиски до ова прашање, објавува Automotiv News Eupope
Шефовите на владејачките социјалдемократи (СПД) и христијанските демократи на Ангела Меркел (ЦДУ) се очекува да го претстават целокупниот стимулативен пакет во вторник, кој би можел да достигне до 80 милијарди евра, според еден извештај на медиумите.
Предлогот на Министерството за економија е да се исплатат премии за набавки на електрични возила и автомобили со конвенционално напојување чија цена е под 77.350 евра, при што програмата истекува на крајот на годината, велат изворите.
Плановите предвидуваат основна премија од 2.500 евра за автомобил, што би можела да се зголеми до 500 евра за возила кои се енергетски ефикасни. Постојните стимулативни програми би се зголемиле за 1.500 евра за електрични автомобили и 750 евра за хибриди.
Предлогот сè уште има прашања кои треба да се расчистат затоа што некои политичари сакаат субвенции да се добиваат само за електрични автомобили за да помогнат во борбата против климатските промени.
Шефот на СПД, Норберт Валтер-Борјанс, изјави за „Ројтерс“ дека е за поддршка на автомобилската индустрија, но дека поттик за набавка на возила со мотори со конвенционално согорување е погрешниот пат.
„Ако државата субвенционира нови автомобили, тогаш тоа мора да оди заедно со промена кон алтернативните мотори. Ако има попусти, тогаш мора да бидат за електрични автомобили“, рече Валтер-Борјанс.
Некои креатори на политики и индустриски групи се изјаснија против субвенциите4 за набавка на автомобили, тврдејќи дека програмата треба да се придржува кон политиките за климатски промени и да не поддржува една индустрија.
Автомобилската индустрија во целиот свет се соочува со невидени досега последици на пад на производството и продажбите предизвикани од корона кризата и мерките преземни за спречување на ширењето на вирусот.
