Германската фармацевстка компанија Stada ja започна изградбата на фабрика за лекови во градот Турда, во Романија, инвестиција најавена на почетокот на оваа година.
Вредноста на инвестицијата е над 50 милиони евра и е прв ваков проект во последните 30 години започнат од меѓународен играч во Романија. Дел од инвестицијата е поддржана од романските власти преку државна помош во висина од 21 милион евра.
Групацијата Stada има 20 фабрики во светот.
Новата фабрика за производство и пакување првично ќе вклучува девет најсовремени технолошки линии за производи со цврста доза (капсули и таблети), со капацитет од 120 милиони кутии фармацевтски производ годишно. Вкупната површина на единицата е приближно 30.000 квадратни метри и овозможува брзо проширување на производните линии до бројка од 12.
Целата површина на откупеното земјиште е 100.000 метри квадратни и овозможува натамошен развој на производствените капацитети, преку изградба на нови згради, во зависност од побарувачката на пазарот и во однос на потребите за континуиран развој на компанијата.
„Stada ја развива првата фабрика за лекови изградена од нула во Романија од меѓународна компанија, со што поставува камен-темелник во трансформацијата на денешна Романија во важен играч во европскиот фармацевтски сектор, во исто време обезбедувајќи го синџирот на снабдување во овој стратешка област. Ја избравме Турда затоа што е град кој се наоѓа во срцето на клучниот регион за Stada Group. Тој е блиску до нашиот магацин во Темишвар, блиску до производните единици во Србија, како и нашата лабораторија за тестирање која служи за целата група Stada на глобално ниво“, истакнува Михаи Фугаревичи, генерален директор на Стада Романија.
