Индустриското производство во Европската унија и еврозоната, приспособено на сезонските промени, во мај 2024 година падна за 0,8% и 0,6%, соодветно, во споредба со претходниот месец. Во споредба со мај 2023 година, индустриското производство во ЕУ падна за 2,5%, а во еврозоната за 2,9%, покажуваат најновите податоци на Евростат.
Меѓу земјите-членки на ЕУ, најголем месечен пораст на индустриското производство во мај е забележан во Ирска (+6,7%), Луксембург (+3,9%) и Естонија (+3,8%). Најголемо намалување е забележано во Словенија (-7,3%), Романија (-6,2%) и Данска (-4,9%).
На годишна основа, индустриското производство, според Евростат, во мај 2024 година најмногу пораснало во Данска (+ 9,6%), Ирска (+ 8,7%) и Грција (+ 6,8%). Во исто време, Романија (-6,9%), Германија (-6,6%) и Бугарија (-6,3%) покажаа најголем пад на индустриското производство во однос на мај 2023 година.
Производството на енергија во еврозоната во мај 2024 година се зголеми за 0,8% месечно и 0,7% годишно. Во ЕУ, производството на енергија во овој период се зголеми за 0,4% месечно и 1,2% годишно.
