Земјоделците низ цела Грција ги ескалираат своите протести со блокади на пристаништето во Солун, граничните премини и клучните автопати, додека синдикатите се подготвуваат за национално собрание на кое ќе се одлучат за нивните следни чекори поради нерешените спорови со владата.
Земјоделците низ цела Грција ги интензивираа своите протести , префрлајќи се на блокирање на пристаништето во Солун како дел од растечкиот бран национални демонстрации поради цените, трошоците за енергија и споровите за субвенциите. Демонстрациите го затворија западниот влез во градот, а полицијата го обезбедува пристаништето за да спречи пристап.
Денеска, исто така повторно се блокирани и граничните премини Ники и Евзони, кои беа блокирани и во изминатите денови, предизвикувајќи многу проблеми и доцнење во транспортот на стоки, и загуби на македонските компании.
Земјоделците протестираат со цел да привлечат внимание на доцнењата во владините плаќања и неисполнетите земјоделски барања. Тие се децидни дека ќе продолжат со мобилизации сè додека не се исполнат нивните барања.
Следните координирани чекори ќе бидат дискутирани во сабота на национално собрание во градот Никаја, каде што ќе се соберат претставници од синдикатите низ цела Грција.
Синдикалните претставници предупредуваат дека, без конкретни обврски, во наредните денови ќе следат посилни акции.
