Развојна банка на Северна Македонија денеска во Битола одржа презентација на своите финансиски производи и услуги пред компаниите од Пелагонискиот регион.
На настанот беа претставени кредитното осигурување на домашни и извозни побарувања, факторингот, гаранциите и Гарантниот фонд, како и кредитните производи и кредитните линии за инвестиции и обртни средства.
На настанот беше претставена и новата дигитална платформа E-Insurance, развиена во соработка со Програмата IME, која овозможува електронски пристап до услугите за кредитно осигурување.
Компаниите имаа можност директно да разговараат со претставниците на Развојната банка, да постават прашања и да се информираат за можностите за финансирање и управување со финансиските ризици.
Настанот беше искористен за директен дијалог меѓу приватниот сектор и Банката, при што компаниите добија практични информации за финансирање на инвестиции, обезбедување ликвидност, намалување на деловните ризици и поддршка за настап на домашните и странските пазари
Развојната банка продолжува со активности за поголема достапност на своите производи и услуги до компаниите низ целата држава, со цел да придонесе кон подобра ликвидност, поголема сигурност и зголемена конкурентност на македонскиот бизнис.
ПОВРЗАНИ ОБЈАВИ:
Развојната банка ja лансира платформата “Е-ОСИГУРУВАЊЕ”: поефикасно осигурување на побарувањата за сигурен и конкурентен извоз
