Европската унија мора да ги намали трошоците за енергија, да ја олесни регулативата за компаниите и да создаде подобри услови за инвестиции доколку сака да ја зајакне конкурентноста на европската индустрија, порача претседателката на Европската комисија, Урсула фон дер Лајен.
Говорејќи на годишната конференција на Движењето на претпријатијата на Франција (MEDEF) во Париз, фон дер Лајен предупреди дека цените на енергијата во Европа се два до три пати повисоки отколку во САД и Кина, што претставува сериозен товар за европските компании.
Според неа, економските услови врз кои со децении се потпираше европскиот модел значително се промениле. Евтината увезена енергија, отворената глобална трговија, растечкиот пристап до кинескиот пазар, американската безбедносна поддршка и технолошката предност на Западот повеќе не можат да се земаат здраво за готово.
Европските компании денес истовремено се соочуваат со високи енергетски трошоци, фрагментација на единствениот пазар, сложени регулативи и засилена глобална конкуренција.
„Нашата цел е да ја направиме Европа континент кој произведува, инвестира и ја обезбедува сопствената безбедност“, порача фон дер Лајен.
Административниот товар за компаниите да се намали за 25%
Една од главните мерки треба да биде поедноставувањето на европската регулатива. Целта на ЕУ е до 2029 година административниот товар врз компаниите да се намали за 25%.
Според фон дер Лајен, 12-те пакети за поедноставување што се подготвуваат би требало да им донесат на компаниите заштеди од околу 17 милијарди евра годишно.
Предвидено е пошироко преиспитување на европското законодавство, отстранување на двојните регулативи и непотребните барања за известување, како и забрзување на процедурите за издавање дозволи.
Трговскиот дефицит со Кина околу една милијарда евра дневно
Посебен предизвик за европската индустрија е трговскиот однос со Кина.
Фон дер Лајен истакна дека Пекинг останува важен економски партнер, но пристапот на ЕУ ќе биде насочен кон намалување на ризиците без економско раздвојување.
Според податоците што ги изнесе, увозот од Кина во последните пет години се зголемил за 45%, додека европскиот извоз кон кинескиот пазар се намалувал.
Трговскиот дефицит на ЕУ со Кина достигнува околу една милијарда евра дневно, а на почетокот на годинава дополнително се зголемил за 10%. Фон дер Лајен посочи и дека сите земји членки на Унијата сега имаат трговски дефицит со Кина.
Дополнителен проблем е високата зависност од кинеските суровини. Кај голем број критични суровини зависноста на ЕУ надминува 80%, а кај одредени ретки земјени елементи и 90%.
ЕУ ќе го продолжи дијалогот со Пекинг, но, според фон дер Лајен, мора да биде подготвена да ги користи и инструментите за трговска одбрана доколку не се постигне доволен напредок кон поправедни услови за конкуренција.
Енергијата во Европа два до три пати поскапа
Енергетиката останува еден од најголемите проблеми за европската конкурентност.
Фон дер Лајен предупреди дека цените на енергијата во Европа се два до три пати повисоки од оние во САД и Кина, додека повеќе од половина од енергијата што ја троши континентот сè уште доаѓа од увезени фосилни горива.
Зависноста од нив, според неа, ја чинела Европа повеќе од 50 милијарди евра дополнителни трошоци од почетокот на кризата на Блискиот Исток.
Решението го гледа во поголемо домашно производство на енергија со ниски емисии на јаглерод. Повеќе од 70% од електричната енергија произведена во ЕУ веќе доаѓа од нискојаглеродни извори, вклучително обновливите извори и нуклеарната енергија.
Сепак, електричната енергија учествува со само околу една четвртина во вкупната финална потрошувачка на енергија, што покажува дека просторот за понатамошна електрификација на европската економија е голем.
Заштедите од 10 трилиони евра да се насочат кон инвестиции
Друг голем предизвик е финансирањето на растот на европските компании.
Фон дер Лајен посочи дека европските домаќинства имаат околу 10 трилиони евра заштеди на банкарски сметки, а целта е поголем дел од тој капитал да се насочи кон продуктивни инвестиции во европската економија.
Истовремено, единствениот европски пазар сè уште не е целосно интегриран во секторите како услугите, енергетиката, телекомуникациите, финансиите и дигиталната економија. Според неа, постојните бариери во овие области можат да имаат ефект сличен на внатрешни царини.
20 милијарди евра за инфраструктура за вештачка интелигенција
Вештачката интелигенција, според претседателката на Европската комисија, може да биде една од најмоќните алатки за зголемување на продуктивноста на европската економија.
За развој на голема инфраструктура за вештачка интелигенција, ЕУ издвоила 20 милијарди евра, со намера европските компании да добијат подобар пристап до технологиите неопходни за идниот индустриски развој.
Пораката на фон дер Лајен е дека Европа мора истовремено да работи на поевтина енергија, помалку бирократија, поголеми инвестиции, посилен единствен пазар и технолошки развој, доколку сака повторно да ја зајакне позицијата на својата индустрија во глобалната економија.
Фон дер Лајен: Европа мора да ја поевтини енергијата за да ја врати конкурентноста на индустријата
Европската унија мора да ги намали трошоците за енергија, да ја олесни регулативата за компаниите и да создаде подобри услови за инвестиции доколку сака да ја зајакне конкурентноста на европската индустрија, порача претседателката на Европската комисија, Урсула фон дер Лајен.
Говорејќи на годишната конференција на Движењето на претпријатијата на Франција (MEDEF) во Париз, фон дер Лајен предупреди дека цените на енергијата во Европа се два до три пати повисоки отколку во САД и Кина, што претставува сериозен товар за европските компании.
Според неа, економските услови врз кои со децении се потпираше европскиот модел значително се промениле. Евтината увезена енергија, отворената глобална трговија, растечкиот пристап до кинескиот пазар, американската безбедносна поддршка и технолошката предност на Западот повеќе не можат да се земаат здраво за готово.
Европските компании денес истовремено се соочуваат со високи енергетски трошоци, фрагментација на единствениот пазар, сложени регулативи и засилена глобална конкуренција.
„Нашата цел е да ја направиме Европа континент кој произведува, инвестира и ја обезбедува сопствената безбедност“, порача фон дер Лајен.
Административниот товар за компаниите да се намали за 25%
Една од главните мерки треба да биде поедноставувањето на европската регулатива. Целта на ЕУ е до 2029 година административниот товар врз компаниите да се намали за 25%.
Според фон дер Лајен, 12-те пакети за поедноставување што се подготвуваат би требало да им донесат на компаниите заштеди од околу 17 милијарди евра годишно.
Предвидено е пошироко преиспитување на европското законодавство, отстранување на двојните регулативи и непотребните барања за известување, како и забрзување на процедурите за издавање дозволи.
Трговскиот дефицит со Кина околу една милијарда евра дневно
Посебен предизвик за европската индустрија е трговскиот однос со Кина.
Фон дер Лајен истакна дека Пекинг останува важен економски партнер, но пристапот на ЕУ ќе биде насочен кон намалување на ризиците без економско раздвојување.
Според податоците што ги изнесе, увозот од Кина во последните пет години се зголемил за 45%, додека европскиот извоз кон кинескиот пазар се намалувал.
Трговскиот дефицит на ЕУ со Кина достигнува околу една милијарда евра дневно, а на почетокот на годинава дополнително се зголемил за 10%. Фон дер Лајен посочи и дека сите земји членки на Унијата сега имаат трговски дефицит со Кина.
Дополнителен проблем е високата зависност од кинеските суровини. Кај голем број критични суровини зависноста на ЕУ надминува 80%, а кај одредени ретки земјени елементи и 90%.
ЕУ ќе го продолжи дијалогот со Пекинг, но, според фон дер Лајен, мора да биде подготвена да ги користи и инструментите за трговска одбрана доколку не се постигне доволен напредок кон поправедни услови за конкуренција.
Енергијата во Европа два до три пати поскапа
Енергетиката останува еден од најголемите проблеми за европската конкурентност.
Фон дер Лајен предупреди дека цените на енергијата во Европа се два до три пати повисоки од оние во САД и Кина, додека повеќе од половина од енергијата што ја троши континентот сè уште доаѓа од увезени фосилни горива.
Зависноста од нив, според неа, ја чинела Европа повеќе од 50 милијарди евра дополнителни трошоци од почетокот на кризата на Блискиот Исток.
Решението го гледа во поголемо домашно производство на енергија со ниски емисии на јаглерод. Повеќе од 70% од електричната енергија произведена во ЕУ веќе доаѓа од нискојаглеродни извори, вклучително обновливите извори и нуклеарната енергија.
Сепак, електричната енергија учествува со само околу една четвртина во вкупната финална потрошувачка на енергија, што покажува дека просторот за понатамошна електрификација на европската економија е голем.
Заштедите од 10 трилиони евра да се насочат кон инвестиции
Друг голем предизвик е финансирањето на растот на европските компании.
Фон дер Лајен посочи дека европските домаќинства имаат околу 10 трилиони евра заштеди на банкарски сметки, а целта е поголем дел од тој капитал да се насочи кон продуктивни инвестиции во европската економија.
Истовремено, единствениот европски пазар сè уште не е целосно интегриран во секторите како услугите, енергетиката, телекомуникациите, финансиите и дигиталната економија. Според неа, постојните бариери во овие области можат да имаат ефект сличен на внатрешни царини.
20 милијарди евра за инфраструктура за вештачка интелигенција
Вештачката интелигенција, според претседателката на Европската комисија, може да биде една од најмоќните алатки за зголемување на продуктивноста на европската економија.
За развој на голема инфраструктура за вештачка интелигенција, ЕУ издвоила 20 милијарди евра, со намера европските компании да добијат подобар пристап до технологиите неопходни за идниот индустриски развој.
Пораката на фон дер Лајен е дека Европа мора истовремено да работи на поевтина енергија, помалку бирократија, поголеми инвестиции, посилен единствен пазар и технолошки развој, доколку сака повторно да ја зајакне позицијата на својата индустрија во глобалната економија.
