Македонската прехранбена компанија Витаминка во 2020 година очекува да оствари вкупни приходи во работењето од 52,4 милиони евра, од кои 60% се планира да бидат остварени на домашниот пазар, а 40% на странските пазари.
Овие проценки се дел од бизнис планот на Витаминка за годинава, во кој како приоритети се поставени зголемување на продажбите вобалканските земји и продажбите на домашниот пазар.
Менаџментот на Витаминка планира компанијата да продолжи со инвестициите во развој и годинава.
“Основно инвестициите се однесуваат на модернизирање и автоматизирање на техничко-технолошките процеси, зголемување на постоечките капацитети, воведување на нови производни линии, градежна реконструкција и адаптација на производни хали и магацини за складирање”, соопштуваат од Витаминка.
Со остварувањето на планот, Витаминка годинава очекува зголемување на добивката на компанијата за 5% до 10%.
Витаминка е една од најголемите и најуспешни македонски компании, која исто така е меѓу 100-те најголеми извозници.
Производите на Витаминка се извезуваат во над 30 земји, а најголем извозен пазар се земјите од Југоисточна Европа.
