Онлаjн B2B бизнисoт ќе порасне за повеќе од 70% до 2027 година, до 20,9 трилиона долара, од вредноста од 12,2 трилиони долари која ја имаше во 2019 година, покажува новиот извештај „The Ultimate B2B E-commerce Guide: Tradition is out. Digital is in“, подготвен од DHL Express.
Студијата предвидува силен раст на пазарот за трговија B2B во следните години: до 2025 година, 80% од сите B2B продажни интеракции помеѓу добавувачите и професионалните купувачи ќе се одвиваат преку дигитални канали.
Влијанието на пандемијата Ковид-19 врз темпото на дигитализација и купувачкото однесување на милениумците, кои сега се на возраст да бидат професионални носители на одлуки за Б2Б, се главните двигатели на овој глобален раст на електронската трговија.
Она што се предвидува за иднината на Б2Б секторот, веќе беше видливо во значителниот пораст на е-трговијата на B2C (бизнис кон потрошувачи) во последните години, каде што DHL Express доживеа високи стапки на раст особено за време на најголемите сезони на празници (на пр. Велигден, Божиќ) и шопинг деновите (на пр. Црн петок, Сајбер понеделник).
Вкупно обемот на трговија со B2C во рамките на мрежата DHL Express се зголеми во 2020 година за приближно 40%, во споредба со 2019 година.
Не растеше само B2C електронската трговија како резултат на постојаната дигитализација и променетото однесување во потрошувачката на потрошувачите. Во 2019 година, пред пандемијата, глобалната продажба преку сајтовите за електронска трговија B2B веќе се зголеми за 18,2% и достигна 12,2 трилиони долари , надминувајќи ја големината на пазарот во секторот B2C.
Преку Covid-19 и како резултат на забрзување на дигитализацијата, се проценува дека овој глобален обем на електронската трговија B2B ќе достигне 20,9 трилиони доалри до 2027 година.
„Дури и во време на исклучувања низ целиот свет, глобализацијата ја покажа својата издржливост, поттикната од дигитализацијата и моќта на глобалната трговија“, вели Џoн Пирсон, извршен директор на DHL Express.
„Овие трендови доведоа до сè поголем број на потрошувачи да ги префрлат своите активности за купување преку Интернет. Пандемијата го забрза овој развој како никогаш порано, со нагло зголемување на бизнисите што ги продаваат своите стоки на глобалниот пазар”.
Во 2020 година DHL Express испорачале вкупно 484 милиони пратки за своите клиенти (B2C и B2B) низ целиот свет, околу 9% повеќе на ден отколку во 2019 година. За да се прилагоди на овој значителен раст на својата мрежа, DHL Express продолжува да инвестира годишно повеќе од 1 милијарда евра во нови најсовремени објекти ширум светот (+ 65% од 2013 година), вработување на нови вработени и додавање на нови товарни авиони на својата флота.
