Од Царинската Управа информираат дека започнувајќи од денеска 16 март 2020 на сите копнени премини со Грција ќе има ограничување на движењето за товарни возила во периодот од 22.00 до 06:00 часот по локално грчко време (23:00 до 07:00 по наше локално време).
Царинската Управа во саботата информираше дека во врска со состојбата со појава на вирусот Ковид – 19 се затвораат сите гранични премини во Република С.Македонија за премин на патници и возила, освен граничните премини Богордица, Ќафасан,Табановце, Деве Баир и Блаце кои ќе бидат отворени за премин. На граничните премини на кои е забранет премин на патници и возила дозволено е исклучиво премин на товарни возила.
Покрај ова, во земјава е забранет влез на странски државјани кои доаѓаат од земји со висок и среден ризик, согласно листата на Светска Здравствена Организација.
Исто така се затвора и аеродромот Св.Апостол Павле во Охрид.
Во врска со состојбата на граничните премини во земјите од Европа, од Царинската управа информираат дека:
Во Република Косово – сите гранични премини се затворени освен за државјани на Косово. Покрај забраната за влез на странци во Косово, товарниот сообраќај се одвива нормално за влез и излез.
Во Република Црна Гора отворени гранични премини се со Република Србија ГП Dobrakovo – Dracenovac; со Република Босна и Херцеговина ГП Metaljka, Sitnica, Ilino Brdo; со Република Албанија – Bocaj и со Република Хрватска – Debeli Breg. Исто така отворени се аеродромите Подгорица и Тиват.
Во Република Албанија сите гранични премини со Грција, Косово и Италија се затворени за патници и патнички возила. Товарниот сообраќај е отворен.
Во Република Италија отворени се следните аеродроми: Ancona, Bari, Bologna, Cagliari, Catania, Genova, Lamezia Terme, Lampedusa, Milano Malpensa, Napoli Capodichino, Palermo, Pantelleria, Pescara, Pisa, Roma Fiumicino, Torino, Venezia Tessera.
Аеродромот Roma Ciampino е отворен само за итни случаи. Сите други гранични премини во Италија се отворени.
Исто така информираме дека сите летови од Истанбул за Скопје со авиокомпанијата Pegasus од Турција се откажани во период од 22.03.2020г – 02.04.2020г.
