Главниот извршен директор на Tesla американската автомобилска компанија Елон Муск најави дека за три до четири години може да стартува со масовно производство на батерии со подолг век на траење со 50% поголема енергетска густина, објави Ројтерс.
„400 Wh / kg со висок животен циклус, произведени во волумен (не само во лабораторија) не е далеку. Веројатно 3 до 4 години “, објави Муск во понеделникот на Твитер пред настанот „Ден на батеријата“ каде се очекува Тесла да открие како ги подобрила перформансите на батериите за електричните возила.
Истражувачите велат дека енергетската густина на батериите „Panasonic“ (6752.T) „2170“ што се користат во моделот 3 на Tesla, е околу 260Wh / kg, што значи скок од 50% од сегашната густина на енергија, што е клучно за да се постигне подолг период на возење.
Производителот на електрични автомобили, исто така, покажа позадина на слика каде што голем број на точки се групирани во линиски формации, предизвикувајќи шпекулации меѓу медиумите за тоа што ќе открие на настанот кој треба да се одржи на 22 септември.
Експертот за батерии во Јужна Кореја, Парк Чул-ван изјави дека сликата може да навестува на „силиконска нано анода“, технологија што претставува пробив што потенцијално може да ја зголеми и густината на енергијата на батеријата и векот на траење на батеријата.
Tesla исто така работи со кинеската Amperex Technology Ltd за воведување нова евтина и долготрајна батерија во својот седан Модел 3 во Кина, што е планирано за подоцна оваа година или почетокот на следната година, со батерии дизајнирани да траат милион милји.
