Извозот на Германија повторно порасна во јули, додека увозот се намали, а економистите велат дека изгледите за извозниците остануваат позитивни.
Долгиот нагорен тренд на германските извозници по падот предизвикан од коронавирусот продолжи и во јули, и покрај значителните тешкотии предизвикани од недостатокот на материјали. Извозот се зголеми 15 -ти месец по ред за 0,5% во споредба со претходниот месец, како што објави Федералниот завод за статистика во четвртокот.
Сепак, во јуни имаше посилен раст, за 1,3%. Германскиот извозот е веќе 1,6 % поголем отколку во февруари 2020 година, еден месец пред укинувањето на првите ограничувања поради пандемијата во Германија.
„Недостатокот на испорака на суровини и полупроизводи не влијае толку на извозот колку што се очекуваше“, вели главниот економист на VP Bank, Томас Гицел, за Handelsblatt, со оглед на недостатокот на микрочипови и други важни делови. „И покрај недостатокот на материјали, производството во германската индустрија е повисоко што е доволно за раст на извозот.
Поради заздравувањето на светската економија, очекувањата остануваат позитивни.
Сепак, трендот на увоз е предупредувачки знак. Увозот беше изненадувачки понизок во јули за 3,8% во споредба со претходниот месец. „Протокот на материјали од странство е во стагнација“, рече Гицел.
Германските компаниите во јули годинава продадоа стока во вредност од 115 милијарди евра во странство. Во споредба со јули 2020 година, ова е зголемување од 12,4%. Извозот на најважниот извозен пазар – САД, се зголеми за 15,7% на 10,8 милијарди евра, додека тој во Кина се намали за 4,3% на 8,4 милијарди евра. Извозот во земјите од ЕУ се зголеми за 17,7% на 61,6 милијарди евра.
Германската трговска и индустриска комора (ДИХК) неодамна ја зголеми прогнозата за извоз поради заздравувањето на глобалната економија, предводена од САД и Кина. Германските компании најверојатно ќе извезат 8% повеќе стоки во 2021 година. Во првите седум месеци од годината, зголемувањето е 16,1%, при што извозот изнесува 788,1 милијарди евра.
Поради кризата со коронавирус, германскиот извоз падна за повеќе од 9% во 2020 година.
